86 சிவன் 07/08/2017 7.20 am

                                                    பல்லவி 

பசுபதியே பரமசிவனே பார்வதி மணாளனே பகவனே 

திசை தெரியாத தீனனுக்கு துருவ நக்ஷத்திரம் நீயே 

                                                                                                     பசுபதியே

                                                 அனுபல்லவி 

பசி தாகம் போல் வாட்டிடும் பிறவி நோயை விரட்டிடு 

கசிந்துருகிக் கதறுகிறேன் கலி  தீர்ப்பாய் கடவுளே 

                                                                                                       பசுபதியே

    

                                                        சரணம் 

இருவர் தாதையே இம்மை மறுமையாம் இருள் தீர்ப்பாய் 

கருணாமயனே கற்பகவல்லி காந்தனே அருணாசலமே 

கரும வினைகள் காற்றாய்ப் பறந்திடச் செய்வாய் 

தருமமிகு மயிலையில் செங்கோலோச்சும் தயாநிதியே 

                                                                                                          பசுபதியே

                                                                 

85 கிருஷ்ணன் 07/08/2017 6.20 am

                                                       பல்லவி 

மோகன கிருஷ்ணா மனமோகன கிருஷ்ணா முரளீதரா 

வேகமாய் வந்து வேய்ங்குழல் ஓதி வேதனை தீர்த்திடு 

                                                                                                              மோகன

                         

                                                  அனுபல்லவி 

தாகத்தால் தவிப்பவனுக்குத் தண்ணீர் தந்திடல் போல 

மோகத்தில் வெந்திடும் எந்தனுக்கு விவேகமளித்திடுவாய்

                                                                                                             மோகன

                                                   சரணம் 

அருணோதயத்தில் அழகு மலர்  மணம் வீசுதல் போல் 

தரணிதனில் தரும சிந்தனை மலரட்டும் பரவிடட்டும் 

தருணமிதே தயை புரிவாய் தயாநிதியே தாமதமேன் 

கருணா  மூர்த்தியே  கண்ணனே கலியுகக் கடவுளே 

                                                                                                              மோகன

84 கனகதாரா ஸ்தோத்திரம் 04/08/2017

                                            பல்லவி 

வறுமைக் கொடுமையால் வதனம் வாடி வதங்கி 

சிறுமை பட்டல்லாடிய மூதாட்டிக்கு முனிவரிரங்கி 

                                                                                             வறுமைக்

                                           அனுபல்லவி 

உருகிய மனத்தால் உள்ளங்  கனி ந்துரைத்த 

அருமையான துதிப்பாடல் கனகதாரா தோத்திரமே 

                                                                                             வறுமைக்

                                       சரணம் 

சங்கரர் அருளிச் செய்த பாடல் கேட்டவுடன் 

சங்கடம் தீர்க்கும் சங்க்ரிஷ்ணன் துனைவி 

மங்கள மாது மனங்கனிந்து மழை பொழிந்தாள் 

தங்க நெல்லிக்கனியாகவே கலி  தீர்த்தாள் 

                                                                           வறுமைக்

83 கபாலீஸ்வரர் 1-08-2017

                                                 பல்லவி

சிவாய நமவென்று சிரத்தையுடன் ஜபித்தால்

விவேகம் கூடும் விசாரம் விலகும் வினைகள் தீரும்                                       

                                                                                   சிவாய 

                                            அனுபல்லவி 

திவாகரனும் எண்கோளுமென் செய்யும் சிவனடிமைக்கே 

பவசாகரமும் கடந்திடலாம் பவானி மணாளனருளால் 

                                                                                                      சிவாய    

                                         சரணம் 

தருமமிகு மயிலையின் கபாலியினை தினமும் துதித்திடு 

கரும வினைகள் காற்றாய் பறந்திடும் கலங்காதே 

இரு பிறவிகளும் இருக்கா இன்பலோகம் கிட்டிடும் 

திருவிளையாடல் செய்த சிவன் சித்தம் திருத்திடுவான் 

                                                                                                சிவாய 

82 சுந்தரேஸ்வரர் (மதுரை) 31/07/2017

                                         பல்லவி 

ஆலகால விஷமருந்தி  அமரர்க்கு  அபயமளித்து 

நீலகண்டனாய் நித்தமும் நீள்விசும்பைக் காத்தாய் 

                                                                                         ஆலகால

                                      அனுபல்லவி 

ஆலால சுந்தரனாய் அங்கயற்கன்னி கரம் பிடித்து 

ஆலவாய் நகரில் அரசாட்சி செலுத்தும் ஆண்டவனே 

                                                                                          ஆலகால

                                          சரணம் 

அறுபத்துநான்கு ஆடல் புரிந்து அனைவரையும் ஆட்டுவித்தாய்    

அறுபத்து மூவர் அன்பருக்கும்  பேரருள் அளித்திட்டாய் 

சிறுபுத்தி கொண்ட சிந்தை நோயாளி எந்தனுக்கும் 

மறுமை நோய் வாராதிருக்க மன்னவனே மனங்கொள்வாய் 

                                                                                                   ஆலகால                              

 

81 முருகன் 01/08/2017

                                                  பல்லவி 

 மருள் கொண்டு மிரண்டு  நிற்கும் மரண காலத்தில் 

அருள் தந்து ஆட்கொள்ளும் ஆண்டவனே பழனி வாழ்                                                                                                                                                     மருள்

                                                அனுபல்லவி 

முருகா முதல்வா நின்கருணையன்றி வேறேது வேண்டும் 

பெருமாள்  மருகனே திருமகளும் நின் தயவால்  என்னகத்தே 

                                                                                                                             மருள்

                                                    சரணம் 

இந்திரன் மகளுடன் ஏழை வேடுவப்  பெண்ணையும் கொண்டோனே 

தந்திரம் மாயம்  பேய் பூதம் அனைத்தையும் தொலைத்திடுவோனே 

சுந்தர வதனமுடை சுப்ரமணியனே சூலை நோயகற்றிடுவாய் சூரனே 

மந்திரம் வேறெதற்கு சரவணபவ எனும் ஆறெழுத்தே  போதுமே 

                                                                                                                           மருள் 

80 சபாபதி (Nataraja, Shiva) 29/07/2017

                                         பல்லவி 

கனகசபாபதியே கதிமோக்ஷம்  தந்திடுவீர் 

கனகதுர்காபதியே கருணாமூர்த்தியே கடவுளே 

                                                                                      கனகசபா

                                       அனுபல்லவி 

இனம் தெரியா மனத்துயர் கொண்டு வாடுமெனக்கு 

நினையல்லால் வேறு கதியேது நீலகண்டனே சிவனே

                                                                                                    கனகசபா

                                               சரணம்

வந்தியின் துயர் தீர்க்க  பிட்டுக்கு மண் சுமந்தனையே 

நந்தியினை  சுறாவாக்கி அன்னைக்கும் அருளினாயே 

சிந்தனை  விசாரம் கொண்டு சிந்தை தடுமாறி நிற்கும் 

எந்தனுக்கு எந்தையே ஏற்றம் அளித்திடுவாய் எந்நாளும் 

                                                                                                      கனகசபா