63 கந்தன் 2 17-4-2016 5.30pm

                                       பல்லவி

கருத்துடன் கந்தனின் கழல் பணிந்திட்டால்

உருத்திரன் புத்திரன் உயர் பதவி அளித்திடுவான்

                                                                                 கருத்துடன்

                                அனுபல்லவி

சிரத்தையுடன் சிவகாமி செல்வனை சிந்தித்திடு

வருத்தமேதுமில்லை வாழ்வு வளம் பெற்றிடுமே

                                                                             கருத்துடன்

                                    சரணம்

ஆணவம் கண்மம் மாயை என்ற முத்துயரமும்

நாணின்று விடுபட்ட அம்பு பட்டு அழிந்துடுமே

வீணில் வெந்துயரில் வெந்திடாதே வாழ்நாளில்

காணும் இன்பமே சடுதியில் வந்தடைந்திடும்

                                                                          கருத்துடன்