58 ஆறுமுகன் 18-01-2016

                                          பல்லவி

ஆறுமுகனே ஆண்டவனே ஐயனுக்கும் குருவே

வேறுகதியில்லை வேதனைப் போக்கி உயர்த்திடுவாய்  

                                                                                ஆறுமுகனே

                                   அனுபல்லவி

மாறுதலின்றி ஜனன மரண சுழலில் சிக்கிய பின்

கூற முடியாத் துயரில் ஆழ்ந்த எனைக் காத்திடுவாய்

                                                                             ஆறுமுகனே

                                        சரணம்

பரம குருவே பரமனுக்கும் குருவே பதம் பணிவேன் 

நர ஜென்ம மெடுத்து நாதியின்று அலைந்திடும்

விரக்தியின் எல்லைக்கே அடைந்திட்ட ஏழை எனக்கு

வரமளிப்பாய் திரும்பவும் பிறப்பில்லாது ஆட்கொள்ளும்

                                                                             ஆறுமுகனே