48 நடராஜர் குடும்பம் 21-09-2015 morning

                                      பல்லவி

நடமாடும் தெய்வமே நமனை உதைத்தவனே

நடனமாடிக் கழித்துக் காக்கும் கலியுக தேவனே

                                                                       நடமாடும்

                                 அனுபல்லவி  

இடதுப் பதம் தூக்கி ஆடிக் களைத்துப் பின்னரே

இடம் மாறி  மதுரையில் பதம் மாற்றினையே பசுபதே

                                                                       நடமாடும்

                                   சரணம்

சிங்காரி சிவகாமசுந்தரி மணாளனே சிவனே 

தங்கக் கூரையின் கீழ் தாண்டவம் ஆடினையே

மங்களம் பொங்கும் முக்குருணி விநாயகன் ஒருபுறம்

சிங்கம் போன்ற சேவற்கொடியோன் மறுபுறமிருக்க

                                                                            நடமாடும்