62 நடராஜர் 4 16-4-2016

                                      பல்லவி

 மகிழ்வுடன் மகேசனைத் துதித்திடு மனமே

சுகமுடன் சுந்தரவதனனைப் போற்றிடு சுமதியே

                                                                   மகிழ்வுடன்

                                  அனுபல்லவி

இகபர வினைகள் ஒழிந்திட இறைவனை நாடு

சுகவநேஸ்வரனை சடுதியில் சரணமடைவாயே

                                                               மகிழ்வுடன்

                                    சரணம்

ஆடல் அறுபத்துநான்கு நடத்திய நடேசனை

வீடுதனை விரைவில் அளித்திடும் விமலனை

காடுதனில் உறைந்திடும் கனகசபேசனை

சூடிய பிறை கொண்ட சூலாயுதபாணிதனை

                                                           மகிழ்வுடன்