28 வரலக்ஷ்மி

                                  பல்லவி

வரவேண்டும் என்னகத்தே திருமகளே வந்தபின

சரசரவென்று விலகாமல் நின்றிட வேண்டும்

                                                 வரவேண்டும்

                         அனுபல்லவி

தருமமிகு தாமோதரன் துணைவியே தங்கமயமே

திருவே தினமும் திருவருள் பாலித்திடவே

                                                   வரவேண்டும்

                       சரணம்

அறியாமையே அளவில்லா அத்வானக் காடு

வறுமையினும் கொடிய இதனைக் கொளுத்திடு

திறமை பெருக வரமளிப்பாய் வரலக்ஷ்மியே

சிறுமையின்றி சிறந்திட்டால் அதுவே பெருந்தனம்

                                                    வரவேண்டும்