26 நல்லதே நினைத்திடு 27-07-2015

                                           பல்லவி

எல்லோரும் நல்லவையே நினைத்திடல் வேண்டும்

பொல்லாமை ஒழிந்திடும் புகழடைவீர் புவனிதனில்

                                                                               எல்லோரும்

                                     அனுபல்லவி

கல்லாமை ஒழிந்திடல் வேண்டும் கடல்சூழ்  தரணிதனில்

இல்லாமை இருக்கலாகாது ஏழ்மை அகன்றிட வேண்டும்

                                                                            எல்லோரும்

                                       சரணம்

தனக்கென வாழும் போது தரித்ரனையும்  நினைத்திடு

மனக் கவலைக் குறைந்திட மனதார தானம் செய்திடு

இனக்கலவரத்தால் இறைவனுக்கே ஈறு உண்டாகும்

சினம் கொள்ள வேண்டாம் சிந்திப்பாய் சிறுமதியே

                                                                          எல்லோரும்