90 முருகன் 10-05-2018

                                                          பல்லவி 

பள்ளத்தைத் தேடிச்  சென்றிடும் வெள்ளத்தைப் போல என் 

உள்ளமும் உனையே நாடி உருகுதே உமையவள் பாலா    

                                                                                                      பள்ளத்தைத் 

                                                      அனுபல்லவி 

கள்ளங்  கபடு  சூது வாது ஒழிந்திடல் வேண்டும் 

வள்ளி மணாளனே வரமருள்வாய் முருகா முதல்வா 

                                                                                      பள்ளத்தைத் 

                                            சரணம் 

இருவினைப் பயன்களும் என்னை வாட்டி வதைத்திடாமல் 

கருவறுத்திடு கருணாகரன் கந்தனே காத்து நிற்பாய் 

தருணமிதே தயை புரிவாய் தயாபரனே தவமணியே   

திருமகள் மருகா தினம் தொழுதேத்தி நின்றிடுவேன் 

                                                                                          பள்ளத்தைத்