87 காயத்ரி தேவி 8-8-2017 , 1008 காயத்ரி ஜபம் செய்த உடனே எழுதியது

                                              பல்லவி 

காயத்ரி மந்திரத்தை ஜபித்தால் ஞானம் கைகூடும் 

தீய வினைகள் தீர்ந்து போகும் தீராத நோய் தீர்ந்திடும் 

                                                                                                     காயத்ரி

                                        அனுபல்லவி 

மாயையென்னும் மனத்திரை விலகும் நற்சிந்தனை நல்கும் 

காயமிது பொய் என்றறிந்து மெய் ஞானம்  பெற்றிடுவாய் 

                                                                                                             காயத்ரி

                                                   சரணம் 

முப்பெரும் தேவியர் காயத்ரி, சாவித்ரி, ஸரஸ்வதியாவர் 

தப்பேதுமில்லா தவப்பயனை தாராளமாய் தந்திடுவர் 

இப்பிறவியில் இழைத்திட்ட பாவங்கள் தொலைந்திடும் மற்றும் 

முப்பிறவியில் சேர்ந்திட்ட சஞ்சித பாவங்களும் சடுதியில் நீங்கும் 

                                                                                                        காயத்ரி