8 திருப்பதி வெங்கடேசன் 15-06-2015

                                 பல்லவி   

  

திருப்பதி வாசனே திருமகள் நேசனே

திருப்தியில்லா தீனன் எனக்கருள்வாய்     

                                                          திருப்பதி 

              

                            அனுபல்லவி

வருத்தத்தால் வாடுமெந்தனுக்கு வரமருள்வாய்

செருக்கினால் சீரழியாதிருக்கச் செய்திடுவாய்   

                                                         திருப்பதி

                                சரணம்

ஏழுமலை ஏறி தரிசிக்க வந்த எந்தனுக்குப்

பாழும் பவரோகம் அழியப் பாலிப்பாய்

தோழனுக்குத் தோழனாய் தோன்றிடும் தயாநிதியே

வேழத்தினுக்கு மோக்ஷமளித்த வேங்கட நாயகனே

                                                      திருப்பதி