3 ஹனுமான் 21.40 hrs 04-06-2015

                                      பல்லவி

அஞ்ஜனி புத்ரனே ஆபத்பாந்தவனே ஆஞ்சநேயனே

கெஞ்சும் ஏழை எந்தனுக்கு ஏற்றமளித்திடுவாய்

                                                                                      அஞ்சனி

                               அனுபல்லவி

வஞ்சமில்லா அடியவர்க்கு வரமளிப்பவனே

கஞ்சமலருறை சீதைக்கடியவனே சீராளா 

                                                                                   அஞ்ஜனி    

                                    சரணம்

அருமருந்துடை மலை எடுத்து மாவீரனைக் காத்தாய்

பெரும் பிணியாம் பிறவிக் கடலினைக் கடந்திட

சேது ஒன்றினைக் கட்டி ராமனிடம் எனை சேர்ப்பாய்

மாதுஸ்ரீ சீதையின் அருள் பெற்றுத் தந்திடுவாய்

                                                                                 அஞ்சனி