7 சிவன் 13-6-2015

                                        பல்லவி

வாழி நீ சிவனே வையத்தினை ஆள்வோனே

ஊழித் தாண்டவமாடும் உன்மத்தனே உமாபதியே            

                                                                         வாழி நீ சிவனே

                                  அனுபல்லவி

பாழும் பிறவி எடுத்த  பாமரன் எனக்கு பரமனே

ஊழ்வினை ஒழித்திடலாகாதா உத்தமனே உய்விப்பாய்

                                                                       வாழி நீ சிவனே

                                     சரணம்

உடுக்கைக் கொண்டு ஓங்காரமுதலாம் அனைத்து

உலகமும்  உய்ந்திட ஒலிரூபம் அளித்தவனே

தெற்கமர்ந்து ஞான முத்திரை தெளிவித்தனையே

தர்கவாதமாம் நியாயத்தைத் தெரிந்தளிவித்தனையே

                                                                   வாழி நீ சிவனே