6 கார்த்திகேயன் 9-6-2015

                                       பல்லவி

ஐயனுக்குஐயனே அருளானந்த முருகனே

கயவறுவரைக் களைந்திடும் கந்தனே

                                                               ஐயனுக்கு

                                 அனுபல்லவி

ஜெயானந்த மூர்த்தியே ஜம்புகேசன் மகனே

தயானந்த ஸ்வரூபனே தகப்பன் சாமியே                    

                                                              ஐயனுக்கு

                                     சரணம்

மும்மலமும் முற்றும் ஒழித்திடும் முதல்வனே

இம்மையில் மறுமை தரும் ஈசன் மகனே

அம்மையின் அருள் பெறவே அருகழைப்பாய்

செம்மையான செந்தூர் வாழ் சேவற்கொடியோனே

                                                             ஐயனுக்கு